سلبية معاملة الوالدين

بسم الله الرحمن الرحيم

في موضوع هو بالنسبه لي مهم وياريت كل عضو يسجل رايه فيهوعنوانه

(معاملة الوالدين)

في كل مكان تقام ندوات ولقاءات مع الشباب والفتيات للتنويه عن فضل الوالدين وجميلهم علينا وكيفية التعامل معهم واشار القران ايضا الي ذلك حيث قال تعالي ( وقضي ربك الا تعبدو الا اياه وبالوالدين احسانا) وانا لم اعترض علي ذلك بل انه من اهم ما يجب التنويه اليه حتي يجب ان نعاملهم بما يليق بهم .

*ولكن يرضي من ان نتعامل نحن بالحسني ونلقي الاساءة منهم هي الرد علينا *

ان كثيرا من كتب علم النفس والاطباء النفسين يعلمون الطرق الصحيحه لتربية ابناءهم ومعاملتهم معامله صحيحه ولكن ليس كل الاباء يعلمون شيئا عن علم النفس

ولذلك فانا انادي ب:
(1) عمل ندوات ولقاءات مع الاباء حتي يعلمن كيف يعاملن ابناءهم.
(2)اري ان يدرس علم النفس في المدارس اجباريا (علمي وادبي)ولقد اشرت الي السبب سابقا.
(3)حماية الابناء من الانحراف حيث ان المعامله الاسريه السيئه تؤدي الي الانحراف.
ملحوظه:
لقد سمعت ان مصر تحاول تطبيق قانون يحرم علي الاباء محاسبة ابناءهماوضربهم وهذا ان كان يعطينا الحريه الاانني لا اؤيده حيث انه كثيرا ما يؤدي الي الانحراف الذي انادي بالقضاء عليه

***هل كلامي صحيح ام ان العيب فينا؟ ***

ارجو الاهتمام بالموضوع ومناقشته مناقشه جيده حتي نصل الي حل ايجابي يرضي الجميع.

زائر

بسم الله الرحمن الرحيم
اشعر من خلال كلامك انك تععرضين الي معاملة سيئة ؟ ولكن انتظري واسال نفسك ؟ عن من نحن نتكلم ؟ نحن نتكلم عن اشخاص كل وظيفتهم في الحياة هي رعايتنا وان يصلو بنا الي احسن حال ؟ الاخ الذي يقول انهم يعاملونه معاملة سيئة وهو بداخله يعلم ان هذا بدافع من الخوف عليه وبدافع من الحب وليس بدافع من العداوة والكراهية ومن يعلم من الممكن ان يكونو يمرون بظروف لا نعلمها ولا يريدون ان يخبرونا حتي لانحمل الهم لا تنظر اليها ارجوك من هذا المقياس ولكن انظر من مقياس الحب فهما ابوك وامك واعلم انهم علي اتم استعداد ان يضحو بحياتهم من أجلك فهل هذا كله يستحق ان نقابله بالانكار وان لا نتحمل اساءتهما لنا اعتقد فكر في هذا الموضوع واعلم ان رضاهما من رضا الله وهدفنا الوحيد هو وعجلت اليك ربي لترضي ارجو ان اكون قد وفقت في شرح وجهة نظري والله المستعان

السلام عليكم ورحمه الله
تمام ياخ احمد انا معاك فى وجهه نظرك الاب والام هما اكتر ناس يخافون علينا فى الحياه مهما كانوا يقسوا علينا يكون هذا فى مصلحتنا لان الله سبحانه وتعالى يحثناا على رضاهما وبرهما فى الكبر والصغروالتعامل معهم معامله حسنه
ياختى لو كان فى معامله سيئه ليك لابد من ان يكون هناك سبب لذلك
بصى اصل الاب والام ليهم تجارب كثيره فى الحياه مروا فيها واكتر ناس تحكم على الامور ولاتنسى انهم يوم القيامه هيتسالوا علينا وعلى تربيتنا وعلى مدى قربنا الى الله ومدى تقصرنا فى حق الله

وربنا يبارك فيك

السلام عليكم

انا مكنتش احب ان اول رد منى فى الموضوع يكون مختلف

بس الاختلاف فى الراى لايفسد للود قضيه

للاسف انا باعترض على راى الاستاذه زهرة الياسمين و احمد

وشايف ان المفروض العقل والواجب والمنطق الثلاثه دول يكونو مقياس لحياة الانسان ايا كان اب او ام او ابن

لان مش معنى انهم اباء وامهات انهم مش بيغــلطو لا بالعكس هم بيغلطو اكتر من الابناء مش قصدى عدد

الاخطاء لا اقصد تاثير الاخطاء لان لما الاب او الام بيغــلطو ده تاثيره بيقع على الاب والام والابناء وبعدين

بعد كده تلاقى الابن اصبح اب وبيقوم بنفس الاخطاء لانه اتعود على كده.
******
*انما لما نحكم الواجب هتلاقى الاب بيعمل ماعليه من واجبات وكذلك الام وكذلك الابناء واحدا تلو الاخر.

*وبعدين نحكم العقل هتلاقى كل واحد بيرتب اولويات الاعمال مثلا تنظيم الوقت و الاصحاب والدروس

والشغل واعمال المنزل الى اخره مما نحتاج الى فعله فى حياتنا اليوميه.

*وبعدين حكم المنطقيه فى الاقوال والافعال هتلاقى ان كل واحد فيهم ماشى على عادات ساميه واخلاق

رفيعه قويمه بكل معانيها وعلى كل ذلك قد سار وفقا للعادات السليمه فى كل شئ فى تربية الابناء فى

المعاملات فى الاجتماعيات فى انجاز المهمات فى كل شئ.

**************************************************

هذا الرد القادم خاص لاحمد

احب ارد عليك واقولك انت عارف شكل المعامله معايا ازاى

تمام وانتظرت وسألت نفسى عن من اتكلم وبقول انى بتكلم عن اب وام ومعاملاتهم

ممكن يكون كلامك صح ولكن انا غير مفتنع بذره من انهم بيعملو على مصلحتنا

وللو بيعملو على مصلحتنا بطريقه غير مو اكبه للعصر يبقى عذر اقبح من ذنب عشان بالطريقه دى هما بيطفو

نور مواكبة العصر اللى المفروض يكون فى كل شاب وتعالى شوف التاثير اللى بيحصل بقى

تبص تلاقى الابن ماشى بدماغ الاب والام وبعد كده تلاقى الصدمات تعالى نشوف

تلاقى الابن ملهوش راى فى الحياه نتيجه لانهم متحكمين فى كل حاجه وتعالى شوف طالب فى الابتدائى وقرب

على امتحان الشهاده الابتدائيه تلاقى الاهل والام بالذات تعمل ايه تقوله انت خلاص لازم تذاكر عشان انت

فى شهاده وبعد كده هتبقى فى الاعدادى هتبقى كبير وهتستريح فتلاقى ان الابن داخل الاعدادى مش فدماغه

يتعلم لا ده فى دماغه اغنه هيستريج ومش واخد باله من ان المسؤليه كبيره عليه اساسا.

ونفس الكلام يحصل بعد الاعدادى ويزيد انه يلاقى واحد فى الثانوى يقوله احنا بنضرب الاساتذه

وبنشتمهم وكلام من اللى قلبك يحبه يتفاجئ بالثانويه ووفقا لان الاب والام متحكمين فيه وهو مش متعود انه

يكون ليه راى يلاقى ابوه لو قال يدخل ادبى خلاص يبقى ادبى قال علمى خلاص يبقى علمى

وبعدين يخلص ثانوى من غير نفس من غير هدف من غير اى حاجه لانه هدفه ادمر

وتلاقيه داخل الكليه برده ادخل كذا يبقى ادخل كذا تمام متستغربش اصل ده اللى بيحصل

والمصيبه لو الواد بقى فاهم ولا ذكى ولا مصر على هدف ولا شاف ان هدفه اتحطم

يااااااااااااااااااااااااااااااه ع اللى بيحصل تلاقى الواد ادمر نهائى

ولو الواد مش بيفهم ولا اتعود على كده ولا مش عارف اى حاجه

تلاقى ايه تتجوز دى ولا دى احنا شابفين ان دى احسن خلاص تبقى دى

تلبس ده ولا ده شايفين ده احسن خلاص يبقى ده

تدخل ابنك المدرسه دى ولا دى شايفين دى خلاص تبقى دى

لاحظ انه ملهوش راى حتى بعد ماتجوز كمان

لعلمك الكلام ده كلام ناس جربو وفى كلام حصل معايا شخصيا وبيحصل

وكلام حصل مع ناس والكلام ده انا واثق فيه اكتر من نفسى..

ده رأيى انا

وزى ما قولت

الاختلاف فى الراى لايفسد للود قضيه

اما الرد على كلام الاخت زهرة الياسمين

هما فعلا ليهم تجارب بس مش فى الجيل بتاعنا

احنا من حقنا اننا نجرب ونغلط ونتعلم

انما هما يقولو ليك انك غلطان من غير متعرف ليه

ساعتها تبقى انت متعمد انك تغلط عشان تعرف ايه الصح ولما تلاقى ان مفيش صح الا اللى انت عرفتة من

الاب ولا الام هتعمل الغلط لانك مش عايز تنفذ اللى هما قالو عليه

وساعتها تقول ع الدنيا يلا السلامه

وبرده ده رايى وزى ما قولت ان الاختلاف فى الراى لايفسد للود قضيه

السلام عليكم ورحمه الله وبركاته
بالنسبه للرد الى يخص احمد
انا معاك فيه لان حصل مع زمايلى وناس اعرفهم ان الاب تحكم فى دخول ادبى او علمى لتحقيق رغبه داخليه بداخله والمفروض اننا مش نعاتب على الاب لان مفيش اب هيكون عايز ياذى ابنه او بنته والمفروض ان الواحد يكون عنده مبدا لتحديد مستقبله
وانا عارفه انها وجهه نظر

بالنسبه للرد بتاعى
اه فعل ملهمش تجارب فى حياتنا بس فى حاجات كتير منعرفش احنا الصح فيها من الغلط
ايوه احنا قلنا فى الفشل ان الواحد لازم يفشل مره والتانيه علشان ينجح بس برضه فى امور مينفعش فيها الغلط
وديه وجهه نظر

بالنسبه لاخت freedom

يريت تقول هى تقصد ايه من سلبيه الوالدين من وجهه نظرها او الى هى تقصدها

ارجو الرد سريعا ياختى فى الله
لتوضيح الراى الصواب

الامور اللى مينفعش فيها الغلط ينفع فيها التوجيه

صح ولا لا بقول التوجيه مش الاجبار

واسال المولى تبارك وتعالى ان يوفقنا الى مايحبه ويرضاه

لكن اذا اردتم الحل

فانا ارى ان تللك المشكله هى تعصب للراى فى الاغلب وعلى الراجح

والحل هو ان يتنازل كلا من الطرفين شيئا ما عن رايه

لان التنازل هو جزء من الحياه

بل هو اغلب الحياه

والدليل هو انه لايستطيع احد ان يعيش بمفرده فى الكون

وطالما انه لا يستطيع احد ان يعيش بمفرده

فلابد من التنازل لانه لولا اختلاف الازواق لفسدت السلع

اذن الاراء متناقضه اذا لابد منن التنازل

والله ديه وجه نظر وكل واحد ووجهه نظره
معاك التوجيه احسن من الاجبار والمناقشه والحوار والتفاهم للوصول الى احسن الحلول باذن الله
واحنا فى الاخر عايزين رضى الاب والام علينا باى طريقه لان رضاهما من رضى الله

وفعلاان مفيش انسان يقدر يعيش مع نفسه فى الكون لابد من التنازل
ماشى احنا عاملين نكلم ومفيش مشكله نقول فيها هل الاهل سلبين ام لا

بجد محتاجين صاحبه الموضوع للرد علينا
اننا نحتاجج ياخت freedom

ياااااااااااااااااااااااااااااااااااااااااااااااااااااااااااااااااااااااااااه بقى كل ده

وتقولى مفيش مشكله

انا اتكلمت عن ناس حياتها تدمرت

عن ناس كل نصيبهم فى الحياه انهمن ينفذو اوامر بتطرح عليهم

عن ناس عاشو بجسمهم بس من غير عقل ولاقلب

عن ناس من الممكن جدا بل فى الاغلب انهم مبدعين بحكم المستقبل وياللاسف انهار كل شىء

بعد ده كله وسيادة حضرة معاليكى مش شايفه سلبية اوك

*****************************************************

كل ده ليه فى ايه الى حصل ليك يعنى دخلت حاجه مكنتش عايزه تدخلها مش انت لوحدك ناس كتير كده مش انت بس
اه الاباء عايزين كل حاجه هم الى يتحكموا فيها مش عايزين الابناء يخلوا ليهم راى فى اى امر من امرو الدنيا

بس اقولك يعنى هنعمل ايه لو فى حل كده يريت علشان نخليهم يخدوا راينا فى كل امور الحياه

معاك كل واحد يعمل الى هو عايزه علشان يقدر يكتشف الصح من الغلط بس اه ممكن معاكم انتم يشباب بس فى حاجات المفروض البنت تسمع فيها كلام اهلها وميبقاش فى حريه زى الولد
اه انا مع الولد ان يكون ليه حريه عن البنت لاننا مجتمع شرقى
بس حريه فى نطاق الاسلام وتدينه واحترامه لنفسه ولاهله
وطبعا قبل اى شىء الله سبحانه وتعالى

ماشى اوك

اقولك الاول الحل انهم يعرفو اننا جيل قائم على حياته مستقل بذاته وانهم يعرفو ان من حق الجيل ده انه يكون ليه راى

وبما ان ده مش هيحصل فلازم احنا الاتنين نتنازل بعض الشئ بمعنى انهم ميفرضوش السيطره اوى يعنى يكون فى حوار للاراء ويكون من حق كل واحد ابداء رايه ونصحيح وجهات النظر دى تبقى فى الاخر.

واحنا كمان نتنازل يعنى مش نحاول نعمل كل حاجه فى وقت واحد ويكون عندنا مرونه اوك يعنى نفهم ان الحياة عمرها ماتكون ( اما * او) صح؟

اما الحريه بالنسبه للولد والبنت دى حسب كل واحد يعنى فى حد يبقى شايف انه لما يكون قاعد فى الغرفه مع نفسه يبقى حر تمام

انا عارف ان البنت مقيده شويه بس دى طبيعه البنات كمان متاقلمين على كده

*****************************************************

سلام عليكم
انا اقصد يا جماعه ان في ناس كتير معندهاش اي خلفيه عن اساسيات تربية الابناء مش بتكلم عن اولاد اهاليها عرفت تربيها وبعدين غلطت في موقف ولا اتنين
احب اقول للاخ احمد ان انا عكس ما انت توقعت تماما انا بجد اهلي بيعاملوني احسن معامله بس الموضوع ده فكرت فيه كتير بناء علي تجارب اللي حواليا
يعني مثلا يا جماعه في ابناء بيضيعوا بسبب عدم التربيه الصحيحه مش ان الاهل سبوهم يمشوا علي هواهم بالعكس ممكن يشددوا عليهم جدا فتنقلب النتيجه الي العكس ممكن توصل للادمان احيانا بل غالبا
في الحاله دي بقي مين اللي يتحاسب الابناء ولا الاباء اللي كانوا السبب انا رايي ان الاباء هي اللي تتحاسب
انا طلبي معناه منع التربيه الخاطئه اللي هيترتب عليها اثار كتير خاطئه صدقوني كتير كتير

بالنسبه للاخت زهره احب اقولك ان في ناس كتير جاهله متعرفش يعني ايه تجارب عشان يبقي عندها خبره بالحياه بالصح والغلط يارب يكون قصدي واضح

جزاكم الله خيرا جميعا علي الاهتمام بالموضوع

اعذروني يا جماعه ان بتاخر عليكم في الرد بس بجد انا وقتي مش ملكي

وجزاكم الله خيرا كمان مره

السلام عليكم ورحمه الله وبركاته
اهلابيكى freedom عامله ايه الاول اوك على ردك
ايوه فعلا فى اهل ضيعت مستقبل اولادها وهى فاكره انها بكده بتبنى مستقبل
طيب هنعمل ايه يعنى اعتقد ان مفيش حل

جزاكى الله خيرا
يريت نشوفك كتير على المنتدى الغالى

والله انا فرحت جدا جدا جدا انى شفت حريه freedom اليوم اهلا بيكى فى منتداكى

بصى يا استاذه زهرة الياسمين زى ما حضرتك بتقولى ان اهالى ضيعت مستقبل ابناءها..... تمام؟

انما نقطة مفيش حل دى انا مش موافق عليها لاسباب اولها ان كل حاجه وليها حل حتى ولو كان اننا

نسمع اوامرهم فدى طريقة ...............ولو كان بردو اننا نرفض الامر فدى طريقه..........ولو كان اننا نتجاهل الامر فدى طريقة ....الى اخرة من الوسائل والطرق التى توصل الى حل او من الممكن ان نعتبر هذة الطرق حلا

هذا رايى الخاص

واالاختلاف فى الراى لايفسد للود قضيه

ايوه معاك
الاختلاف لايفسد للود قضيه

وربنا يرزقنا الصواب فى القول والعمل

اللهم امين يارب

ارزقنا الاخلاص فى القول والعمل